НӨАТ-ын сугалааны ээлжит тохирол өнөөдөр 13:00 цагт болов. Сугалаанд өнгөрсөн сарын 1-31-ний хооронд худалдан авсан төлбөрийн баримтыг хамрууллаа. Нийт 74.5 сая ширхэг баримтыг энэ хугацаанд хэвлэснээс 44.4 сая баримтыг и-баримт аппликэйшнд бүртгүүлжээ.

Сугалааны тохирлыг “Боловсрол” суваг телевиз, “E-Barimt” аппликэйшнаар шууд дамжуулав. Сугалаагаар хоёр азтан бүртгүүлсэн баримтын тооноос хамаарч 5-30 сая төгрөг хожих болзлыг хангалаа.

1-10 баримт бүртгүүлээд 3-8 орон таарвал 30,000-5,000,000 төгрөг
11-50 баримт бүртгүүлээд 3-8 орон таарвал 40,000-10,000,000 төгрөг
51 ба түүнээс дээш тооны баримт бүртгүүлээд 3-8 орон таарвал 60,000-30,000,000 төгрөг хожих боломжтой юм.