“Таван Богд Билдинг Саплай” ХХК нь 2012 оноос TOTO брэндийн албан ёсны дистрибьютороор ажиллаж, Япон улсын номер нэг, дээд зэрэглэлийн, инновацлаг ариун цэврийн өрөөний тоноглолыг Монголынхоо хэрэглэгчдэд нийлүүлж байна.

 

ТОТО брэнд тогтвортой хөгжлийн “Хариуцлагатай хэрэглээг нэмэгдүүлэх” зорилтын хүрээнд  үе шаттайгаар хэд хэдэн төслүүдийг хэрэгжүүлээд байна.

Дурдвал эмч, эмнэлгийн ажилтнуудын “Хятадад үйлдвэрлэгдсэн, эдэлгээний хугацаа дууссан, стандартын бус холигчийг хагалгааны үед ашигладаг, эдгээр нь ариутгал хийхэд хүндрэлтэй, шаардлагатай үед эвдэрч хүндрэл учруулдаг, усны үргүй зардал ихээр гардаг” гэсэн хүсэлт гаргасныг үндэслэн Нийслэлийн Өргөө амаржих эмнэлгийн мэс заслын тасгийн холигчийг 2021 онд бүрэн шинэчилжээ.

Энэ удаад Яармагийн 300 ортой шинэ төрөх эмнэлгээс ирүүлсэн хүсэлтийн дагуу төрөх өрөөнүүдийн холигчийг бүрэн сольж, эмнэлгийн стандартад нийцсэн бүтээгдэхүүнүүдээр шинэчилжээ.

 

"Бяцхан Монгол үрсийн төлөө" хүүхэд бүрийн эрүүл мэндийг төрөх цагаасаа эхлэн ариун байлгах нөхцөлийг бүрдүүлж, эх дэлхийн усны тулгамдсан асуудалд өөрсдийн хувь нэмрээ оруулж, эмч, эмнэлгийн ажилтан, үйлчлүүлэгчдийнх нь тав тухтай байдлыг хангажээ.

TOTO брэнд нь цаашид ч эх үрсэд зориулсан сайн үйлсийг үргэлжлүүлэн хэрэгжүүлсээр байх  болно гэдгээ илэрхийллээ.

#БяцханМонголИргэнийТөлөө